Біз туралы

Жарияланымдар

Білім базасы

Қазақстанның дәстүрлі және қазіргі заманғы өнері

Қазақстанның көркем мұрасына виртуалды саяхат

Бұл веб-галерея Қазақстанның бай көркемдік мұрасын және қазіргі өнердегі шығармашылық бағыттардың алуан түрлілігін таныстырады. Галереяда ұлттық дәстүрлерді жалғастыратын, сондай-ақ қазіргі заманғы өнер үдерістерін көрсететін туындылар ұсынылған.

Виртуалды көрмеге ұлттық бейнелерге, рәміздерге және мәдени сюжеттерге негізделген шығармалар енгізілген. Сонымен қатар мұнда Қазақстанның мәдени мұрасын заманауи көркемдік тәсілдер, жаңа бейнелеу құралдары мен технологиялар арқылы жаңаша түсіндіретін қазіргі суретшілердің еңбектері де қамтылған.

Ұсынылған шығармалар дәстүрлі өнер мен қазіргі өнердің өзара байланысын көрсетеді. Олар ұлттық дүниетанымды, мәдени бірегейлікті және халқымыздың рухани құндылықтарын тереңірек түсінуге мүмкіндік береді. Бұл материалдар арқылы тарихи-мәдени мұраның қазіргі көркемдік тәжірибеде қалай жалғасып, жаңа мазмұнмен дамып жатқанын көруге болады.

Веб-галерея Қазақстанның көркем мұрасын кеңінен насихаттауға бағытталған. Оның басты мақсаты — өнер туындыларын көпшілікке қолжетімді ету, сондай-ақ кең аудиторияның отандық мәдениет пен өнерге деген қызығушылығын арттыру.

Түскиіз, ХХ ғ. басы

– «Перекати поле». 2008 ж. • Киіз, киіз басу. • Фото С. Сураганова

Түскиіз, ХХ ғ. басы

Таписсерия ылғалды жүнмен илеу (мокрое валяние) және арт-протис (иглопробивной техника) әдісінің үйлесімімен орындалған.Бұйымдың пішіні дөңгелек және жануар терісінің табиғи шетіне ұқсас, сәндік тұрғыда стилизацияланған.Ашық композицияның визуалды орталығы орталықтан шетке қарай динамикалық кернеу мен пульсация туғыза отырып, дөңгелек концентрлік формаларды бейнелейді. Бір қатарда жарық дақтармен керуен жылжып, аттар шауып барады. Келесі қатарда – шаңырақ және оның үстінде ұшып жүрген құстардың тобы бейнеленген.Боялмаған жүннің табиғи түстері қосымша декоративті акцент ретінде қызмет етіп, далалық фаунадағы белгілі бейнелерді айқындап көрсетеді.Таписсерияның семантикасы дала әлемінің құрылымын бейнелейді, оның сакралды орталығы – шаңырақ, адам мен ғаламның байланысын символдайды. Шаңырақтан ырғақты тарайтын дөңгелектер табиғат пен ғаламның ырғақтары мен уақыттың циклдылығын көрсетеді.