Қазақстандық спортшылар шыңғыда бағдарлаудан Әлем чемпионатының үздік бестігіне ілікті

2015 жылдың 10 ақпанында Норвегияның Хамар қаласында шаңғыда бағдарлаудан Әлем чемпионаты басталды. Беделді жарысқа қазақстандық спортшылар да қатысуда.

Қазақстан құрамасының көшбасшылары Ольга Новикова мен Михаил Сорокин аралас эстафетада (mix-relay) әлемнің 19 мықты командаларының арасында 4-ші орынға ілігіп, өз шеберліктерін тағы да растады.

Аралас эстафетаның дәстүрліден айырмашылығы — бұл жарысқа тек екі спортшы (ер және әйел адам) қатысып, кезекпен үш кезеңнен (жалпы саны 6 кезең) өтетіндігінде. Әр кезең 7-9 минутқа алады.

Аталмыш Әлем чемпионатына күшті спортшылардың барлығына дерлігі қатысып жатыр. Олардың арасында үздік бестікке ілігу өте жоғары дәреже болып табылады.