Қ. Асылов: Қазақстанның бірлігін нығайту – ортақ міндет

Алматы қаласында Әл-Фараби атындағы Қазақ ұлттық университетінде Қазақстан халқы Ассамблеясының 20-жылдығына, Қазақстан кәрістері ассоциациясының 25-жылдығына, Кореяны босатудың 70-жылдығына арналған «Қазақстан халқы Ассамблеясы — бейбітшілік, этносаралық және конфессияаралық келісімнің платформасы"Симпозиумы болып өтті.

Іс-шарада Қазақстан Республикасы Премьер-Министрі орынбасарының құттықтау сөзін ҚР МСМ Тілдерді дамыту және қоғамдық-саяси жұмыстар комитеті төрағасының міндетін атқарушы Қуаныш Асылов оқыды.

Іс-шараға Қазақстан кәрістері ассоциациясының президенті, ҚР Парламенті Мәжілісінің депутаты, Корея Республикасының Қазақстан Республикасындағы өкілетті елшісі, Кореяның Бейбітшілік және демократиялық бірлестігі бойынша консультативті кеңестің вице-төрағасы, БҰҰ Қоғамдық ақпарат департаментінің өкілі, Қазақстан халқы Ассамблеясы Төрағасының орынбасары, Қазақстан Республикасы Инвестициялар және даму министрінің орынбасары, Әл-Фараби атындағы Қазақ ұлттық университетінің ректоры, мемлекеттік органдардың өкілдері, Қазақстан мен Кореяның бизнесмендері мен қоғам қайраткерлері қатысты.

Қуаныш Асылов өз сөзінде Қазақстандағы этносаралық және конфессияаралық келісімді сақтау және нығайту ісінде іс-шараның айрықша мәні мен маңызын атап өтті.

Қуаныш Асылов «Қазақстан Корея Республикасымен жан-жақты және өзара тиімді серіктестіктіңдамуына аса мән береді. Елдер бір-біріне өзара қолдау көрсетеді, экономика, білім- беру және туризм саласында ынтымақтастық етеді, барлық деңгейде, соның ішінде осындай іс-шараларға қатысу арқылы тұрақты диалог пен өзара мәдени алмасу жүргізеді.

Кәріс халқы ұзақ уақыттан бері біздің қоғамның ажырамас бөлігі болып табылады, өзара түсінушілік атмосферасында, келісім мен Қазақстанның басқа этностарымен достықта өмір сүреді. Бұл достық бір буыннан екінші буынға беріле отырып ғасырларға жалғасатынына сенімдімін» — деп атап өтті.