Әйгілі әнші Ермек Серкебаевтың қазасына байланысты көңіл айтамыз

Қазақ опера өнерінің шоқ жұлдызы Ермек Серкебаев 88 жасқа қараған шағында ұзақ уақыттық ауыр науқастан дүние салды.

Зор даусымен қазақ сахнасын әуелетіп келген ғажап әнші, ерекше талант иесі Ермек Бекмұхамедұлының қайтыс болуына байланысты Қазақ ғылыми-зерттеу мәдениет институты әншінің отбасына, қазақ өнерін қастерлейтін жандарға, асылынан айырылған бүкіл Қазақстан жұртына қайғырып көңіл айтады. Марқұмның жатқан жері жайлы, топырағы торқа, жаны жаннатта болсын!