Астанада «Жібек жолы» фестивалі өткізіледі

Ағымдағы жылдың 17 қыркүйегінде «Астана Опера» театрының бастауымен «Жібек жолы» халықаралық фестивалі өткізіледі. Шараны Дж. Пуччинидың әйгілі «Тоска» қойылымы ашады.

Бір ғасырдан астам уақыт бұрын жа­рық көрген музыкалық жауһар бүгінде әлемдік операның бестігіне кіріп, әлі де кө­рерменін тамаша көріністерімен тол­ғандырып келеді. «Тоска» опе­расының тұсауы 1900 жылы 14 қаңтарда Римде Костанци театрында кесілген. Опералық шығарма 1800 жылдарды На­полеон әскері Италияға басып кіруі ке­зінде Тоска есімді опера әншісі мен оның сүйіктісі Марио Каварадоссидің арасында ғашықтық оқиғасын баяндайды.

Пуччинидің музыкасына ғашық болмау мүмкін емес. «Ла Скала» театры­ның түпнұсқадағы қойылымы, Лука Ронконидің сарқылмайтын режис­серлық қиялымен таңдай қақтырады. Қою­шы режиссер басты назарды адам бойындағы құштарлыққа, дәлірек айтсақ, тағдырдың жазуымен саяси жағдайға ілі­гіп, озбырлық, азап пен өлімнің құр­ба­нына айналатын ғашықтар оқиғасына аударған. 

«Тоска» партиясын үздік орындаушы – Анна Пироцци (Ита­лия), атақты тенор Массимо Джордано – Каварадоссидің рөлін (Италия) сомдай­ды. Скарпияның партиясын итальяндық опера әншісі Альберто Газале (Италия) тар­ту етеді. Бас партияны орындайтын Анна Пироццидің есімі қазақстандық кө­рермен үшін жақсы таныс. Ол биыл мамырда өткен спектакльдің тұ­саукесері кезінде астаналықтармен жүз­дескен. Ал әйгілі Массимо Джордано (те­нор) мен Альберто Газалені (баритон) Ел­орда жұртшылығы алғаш рет тыңдайды.

по материалам: www.mk.gov.kz