Естайдың Қорланын" Әзірбайжанда көрсетеді

2014 жылғы қыркүйектің 9 мен 19 аралығында Шеки қаласында (Әзірбайжан) І Халықаралық театр фестивалі өтуізілуде. Аталмыш шараға Қазақстан атынан Ғ.Мүсірепов атындағы балалар мен жасөспірімдердің қазақ мемлекеттік академиялық театры қатысады.

Фестивальда Ғ.Мүсірепов атындағы театр әйгілі поэт драматург Иран Ғайыптың «Естайдың Қорланы» атты үлгі тұтуға тұрарлық махаббатнамасын көрсетеді. Махаббат-нама – ғұмыр бойы таза, адал да пәк ғашықтық сезімдерін аялай білген қос мұңлық –Естай мен Қорлан жайындағы қойылым дастан.

Сұлу да пәк Қорлан бас рөлін ҚР еңбегі сіңген әртісі Жібек Лебаева, ал ер жүрек және батыр Естайдың рөлін Қазақстанның көрнекті әртісі Сағат Жылкелдиев ойнайды.

Қойылымның қоюшы-режиссері – Қазақстан Республикасының еңбегі сіңген әртісі, «Құрмет» орденінің иегері Мұрат Ахманов, қоюшы-суретшісі – Индира Ихсан. Торғын Рақымбаева спектакльдің музыкалық сүйемелденуін қамтамасыз етті.