Отандық спорттың мақтанышы Илья Ильин әлемнің төрт дүркін чемпионы атанды

15 қараша, 2014. Алматы. Олимпиаданың екі дүркін чемпионы Илья Ильин өтіп жатқан ауыр атлетикадан әлем біріншілігінде әлем чемпионы атанды.

Қоссайыста қазақстандық атлет 432 ұпай жинап (190+142) алтын медальді былтырғы әлем чемпионы - өзбекстандық Руслан Нуриддиновтан (193+139) басым түсті.

Үшінші орынды ресейлік спортшы Давид Бенджанян 427 ұпаймен (187+240) иеленді.

Айта кету керек, бүгін 105 келі санатында ерлер арасындағы додада 4 рет әлем рекорды жаңарды. Серпе көтеруде Нуриддинов Бенджанянның орнатқан рекордын 239 келіге жаңартса, іле-шала Бенджанян 240 келіні еңсеріп, ол рекордты қайта бұзды.

Әлем чемпиондарының қойған рекордын алаңға келесі шыққан Илья Ильин тас-талқан етіп, серпе көтеруде 242 келіні аспанға атты.

Сондай-ақ, Арменияның атынан шығып жатқан 17 жасар спортшы Симон Мартиросян болса жұлқи көтеруден 183 келіні көтеріп, жастар арасындағы әлем рекордын жаңартты.