Біз туралы

Жарияланымдар

Білім базасы

Қазақстанның дәстүрлі және қазіргі заманғы өнері

Қазақстанның көркем мұрасына виртуалды саяхат

Бұл веб-галерея Қазақстанның бай көркемдік мұрасын және қазіргі өнердегі шығармашылық бағыттардың алуан түрлілігін таныстырады. Галереяда ұлттық дәстүрлерді жалғастыратын, сондай-ақ қазіргі заманғы өнер үдерістерін көрсететін туындылар ұсынылған.

Виртуалды көрмеге ұлттық бейнелерге, рәміздерге және мәдени сюжеттерге негізделген шығармалар енгізілген. Сонымен қатар мұнда Қазақстанның мәдени мұрасын заманауи көркемдік тәсілдер, жаңа бейнелеу құралдары мен технологиялар арқылы жаңаша түсіндіретін қазіргі суретшілердің еңбектері де қамтылған.

Ұсынылған шығармалар дәстүрлі өнер мен қазіргі өнердің өзара байланысын көрсетеді. Олар ұлттық дүниетанымды, мәдени бірегейлікті және халқымыздың рухани құндылықтарын тереңірек түсінуге мүмкіндік береді. Бұл материалдар арқылы тарихи-мәдени мұраның қазіргі көркемдік тәжірибеде қалай жалғасып, жаңа мазмұнмен дамып жатқанын көруге болады.

Веб-галерея Қазақстанның көркем мұрасын кеңінен насихаттауға бағытталған. Оның басты мақсаты — өнер туындыларын көпшілікке қолжетімді ету, сондай-ақ кең аудиторияның отандық мәдениет пен өнерге деген қызығушылығын арттыру.

Төсек жапқыш ХХ ғ.

ҚР Мемлекеттік өнер музейінің қоры. XX ғасыр. Алматы облысы. Барқыт, мақта, жылтыр әшекейлер (блёстки), түрлі-түсті жіптер, тегіс кесте (гладь).»

Покрывало для кровати.

Мұндай жапқыштар бай кестесімен және жарқын өрнектік безендірілуімен ерекшеленген. Жапқыш композициясы көлденең фриздік қағида негізінде құрылған. Бұйым беті екі негізгі бөлікке бөлінген. Жоғарғы бөлігі стильдендірілген гүлдерден, жапырақтардан және ұсақ сәндік элементтерден құралған қалың өрнекпен толтырылған. Бұл өрнектер бұйымның бүкіл ұзындығы бойымен үздіксіз дамып, ырғақты композиция қалыптастырады. Төменгі бөлігі толқынды фестон тәрізді сәндік жиек түрінде орындалған. Бұл композицияға әсерлілік пен тұтастық сипат береді. Әрбір фестон гүл өрнектерімен безендіріліп, сәндік айшықты күшейтіп, қайталанатын элементтердің жұмсақ ырғақтық қозғалысын қалыптастырады. Осындай композициялық құрылым бұйым бетінде өрнектің үздіксіздігі мен үйлесімді сәндік қозғалыс әсерін тудырады.Өсімдік тектес бай өрнектер, көптүсті колорит, барқыт матаның және жылтыр сәндік элементтердің қолданылуы халықтық кесте өнерінің дәстүрлерін айқын бейнелейтін жарқын көркем образ қалыптастырады.