Біз туралы

Жарияланымдар

Білім базасы

Қазақстанның дәстүрлі және қазіргі заманғы өнері

Қазақстанның көркем мұрасына виртуалды саяхат

Бұл веб-галерея Қазақстанның бай көркемдік мұрасын және қазіргі өнердегі шығармашылық бағыттардың алуан түрлілігін таныстырады. Галереяда ұлттық дәстүрлерді жалғастыратын, сондай-ақ қазіргі заманғы өнер үдерістерін көрсететін туындылар ұсынылған.

Виртуалды көрмеге ұлттық бейнелерге, рәміздерге және мәдени сюжеттерге негізделген шығармалар енгізілген. Сонымен қатар мұнда Қазақстанның мәдени мұрасын заманауи көркемдік тәсілдер, жаңа бейнелеу құралдары мен технологиялар арқылы жаңаша түсіндіретін қазіргі суретшілердің еңбектері де қамтылған.

Ұсынылған шығармалар дәстүрлі өнер мен қазіргі өнердің өзара байланысын көрсетеді. Олар ұлттық дүниетанымды, мәдени бірегейлікті және халқымыздың рухани құндылықтарын тереңірек түсінуге мүмкіндік береді. Бұл материалдар арқылы тарихи-мәдени мұраның қазіргі көркемдік тәжірибеде қалай жалғасып, жаңа мазмұнмен дамып жатқанын көруге болады.

Веб-галерея Қазақстанның көркем мұрасын кеңінен насихаттауға бағытталған. Оның басты мақсаты — өнер туындыларын көпшілікке қолжетімді ету, сондай-ақ кең аудиторияның отандық мәдениет пен өнерге деген қызығушылығын арттыру.

Жүк аяқ

Тұғыр. Ағаш, сүйек, оймыштап кесу, инкрустация (бедерлеп қондыру). Орталық Қазақстан. • Тұғырдағы саба — сабааяқ.

Жукаяк.

Жүкаяқ – алдыңғы беті ою-өрнекпен әшекейленген, аяқтары бар ағаш тұғыр. Жүкаяқтың үстіне көрпе-жастықтар, арнайы қаптарға салынған үй мүліктері және сандықтар бірінің үстіне бірі (алдымен үлкені, сосын кішісі) жинақы етіп қойылған. «Жүк» сөзі жиналған мүліктің биіктігін, яғни «тау» іспетті жинауды білдіреді; үй ішіндегі жүктің молдығы отбасының дәулетті екенін айғақтаған. Жүкаяқтар (кейде бірнешеуі қатарластырылып) киіз үйдің ең сыйлы жері – «төрдің» артына орналастырылған. Жүкаяқтың бетіне ою салу, сүйекпен инкрустациялау немесе қаптау, сәндік бояумен өрнектеу әдістері қолданылып, күміс немесе металл жапсырмалармен толықтырылған. Композиция құруда игі тілек мағынасын беретін қошқар мүйіз, құс мұрын және т.б. элементтер пайдаланылған.