Қазақстанның дәстүрлі және қазіргі заманғы өнері

Қазақстанның көркем мұрасына виртуалды саяхат

Бұл веб-галерея Қазақстанның бай көркемдік мұрасын және қазіргі өнердегі шығармашылық бағыттардың алуан түрлілігін таныстырады. Галереяда ұлттық дәстүрлерді жалғастыратын, сондай-ақ қазіргі заманғы өнер үдерістерін көрсететін туындылар ұсынылған.

Виртуалды көрмеге ұлттық бейнелерге, рәміздерге және мәдени сюжеттерге негізделген шығармалар енгізілген. Сонымен қатар мұнда Қазақстанның мәдени мұрасын заманауи көркемдік тәсілдер, жаңа бейнелеу құралдары мен технологиялар арқылы жаңаша түсіндіретін қазіргі суретшілердің еңбектері де қамтылған.

Ұсынылған шығармалар дәстүрлі өнер мен қазіргі өнердің өзара байланысын көрсетеді. Олар ұлттық дүниетанымды, мәдени бірегейлікті және халқымыздың рухани құндылықтарын тереңірек түсінуге мүмкіндік береді. Бұл материалдар арқылы тарихи-мәдени мұраның қазіргі көркемдік тәжірибеде қалай жалғасып, жаңа мазмұнмен дамып жатқанын көруге болады.

Веб-галерея Қазақстанның көркем мұрасын кеңінен насихаттауға бағытталған. Оның басты мақсаты — өнер туындыларын көпшілікке қолжетімді ету, сондай-ақ кең аудиторияның отандық мәдениет пен өнерге деген қызығушылығын арттыру.

Домбыра, XXI ғасыр, ағаш; ағаш ою, инкрустациялау.

Тұрдығұлов Жолаушы

Турдыгулов Жолаушы. Домбыра, XXI век. Дерево, резьба, инкрустация.

Бұл шығарма ағаштан жасалған, сәндік ою және инкрустация элементтері қолданылған дәстүрлі қазақ музыкалық аспабы – домбыраны бейнелейді. Домбыраның құрылымы тарихи үлгіге тән классикалық пішінін сақтаған: созылыңқы мойны, тамшы тәрізді шанағы және ықшам қақпағы дәстүрлі аспаптың көркемдік сабақтастығын қамтамасыз етеді.Пішіннің пластикалық шешімі ұстамдылығымен және функционалдық негізділігімен ерекшеленеді. Дегенмен шығарманың көркемдік мәнерлілігі негізінен беткі қабаттың сәндік өңделуінен көрінеді. Ою-өрнек жүйесі көбіне шанақтың жоғарғы бөлігінде және мойнында орналасып, композицияның негізгі көркемдік екпіндерін қалыптастырады. Шиыршық тәрізді иірімдер, геометрияланған элементтер және қазақтың дәстүрлі ою-өрнектері өзара ырғақты байланысып, тұтас сәндік құрылым түзеді.Ашық түсті қақпақ пен шанақтың қоюлау бөліктері арасындағы контраст бұйымның көркемдік әсерін күшейтіп, пішіннің композициялық құрылымын айқындай түседі. Инкрустация сәндік қызметпен қатар композицияның негізгі бөліктеріне назар аудартатын көркемдік акцент рөлін атқарады.Мазмұндық тұрғыдан домбыра тек музыкалық аспап қана емес, ұлттық мәдени бірегейліктің маңызды символы ретінде қабылданады.Бұл туынды қазіргі Қазақстанның сәндік-қолданбалы өнеріне тән үрдісті – дәстүрлі канондық пішінді сақтай отырып, ою-өрнектік құрылымды күрделендіру және бұйымның эстетикалық көркемдігін арттыру ұстанымын айқын көрсетеді.

Біз туралы

Жарияланымдар

Білім базасы

Қазақстанның дәстүрлі және қазіргі заманғы өнері

Домбыра, XXI ғасыр, ағаш; ағаш ою, инкрустациялау.