«Қаңбақ» («Перекати-поле»). 2008 ж. Киіз, киіз басу
Оралбаева Замзегуль
Таписсерия дымқыл киіз басу және арт-протис (ине арқылы тесу техникасы) әдістерін үйлестіре отырып орындалған.Шығарма дөңгелек пішінде жасалып, жиегі жануар терісінің табиғи жиегін еске түсіретіндей әдейі тегіс емес етіп өңделген.Ашық композицияның көркемдік өзегін орталықтан шетке қарай динамикалық кернеу мен ырғақты қозғалыс тудыратын шеңберлі концентрлі пішіндер құрайды. Солардың бірінде ашық түсті бедерлер арқылы керуеннің қозғалысы мен шабысқа ұмтылған тұлпарлар бейнеленген. Келесі шеңберде шаңырақ және оның үстінде қалықтаған құстар тобы орналасқан.Боялмаған жүннің табиғи түс гаммасы дала фаунасының айқын танылатын бейнелерін ерекшелей түсетін қосымша сәндік акцент қызметін атқарады.Таписсерияның семантикасы далалық ғалам моделін жаңғыртады. Оның сакралды орталығы – шаңырақ, ол адам мен ғарыштың байланысын бейнелейді. Одан ырғақты түрде таралған шеңберлер Табиғат пен Ғарыштың ырғақтарын, сондай-ақ уақыттың циклдік сипатын білдіреді.
Сурет: С. Сураганов