Біз туралы

Жарияланымдар

Білім базасы

Қазақстанның дәстүрлі және қазіргі заманғы өнері

Қазақстанның көркем мұрасына виртуалды саяхат

Бұл веб-галерея Қазақстанның бай көркемдік мұрасын және қазіргі өнердегі шығармашылық бағыттардың алуан түрлілігін таныстырады. Галереяда ұлттық дәстүрлерді жалғастыратын, сондай-ақ қазіргі заманғы өнер үдерістерін көрсететін туындылар ұсынылған.

Виртуалды көрмеге ұлттық бейнелерге, рәміздерге және мәдени сюжеттерге негізделген шығармалар енгізілген. Сонымен қатар мұнда Қазақстанның мәдени мұрасын заманауи көркемдік тәсілдер, жаңа бейнелеу құралдары мен технологиялар арқылы жаңаша түсіндіретін қазіргі суретшілердің еңбектері де қамтылған.

Ұсынылған шығармалар дәстүрлі өнер мен қазіргі өнердің өзара байланысын көрсетеді. Олар ұлттық дүниетанымды, мәдени бірегейлікті және халқымыздың рухани құндылықтарын тереңірек түсінуге мүмкіндік береді. Бұл материалдар арқылы тарихи-мәдени мұраның қазіргі көркемдік тәжірибеде қалай жалғасып, жаңа мазмұнмен дамып жатқанын көруге болады.

Веб-галерея Қазақстанның көркем мұрасын кеңінен насихаттауға бағытталған. Оның басты мақсаты — өнер туындыларын көпшілікке қолжетімді ету, сондай-ақ кең аудиторияның отандық мәдениет пен өнерге деген қызығушылығын арттыру.

Қаршын ХХ ғ. екінші жартысы

ХХ ғасырдың екінші жартысы. Түркістан облысы.Қазақстан Республикасы Орталық мемлекеттік музейі коллекциясы.

Қаршын ХХ ғ. екінші жартысы

«Қаршын — сандыққа жабатын сәндік жапқыш. Бұл жәдігердің безендірілуі орталық өрісі мен жиектері (бордюр) нақты ажыратылған кілемдік принципке негізделген. Орталық өрісті сыңармүйіз және қосмүйіз өрнектерінен құралған төрт ромб тәріздес шаршы гүлді бейнелерді (розеткалар) құрайды. Мүйіз тектес мотивтер композицияға иілімділік пен қарқын берсе, олардың симметриялы орналасуы тұрақтылық сезімін күшейтеді.Дәстүрлі мағыналық жүйеде (семантикада) шаршы (ромб/шаршы) — жерді, реттелген кеңістікті және құт-берекені бейнелейді; қосмүйіз — күш-қуат, молшылық және амандық идеяларымен астасатын ең көне зооморфтық белгілердің бірі; сыңармүйіз сол символды түрлендіре отырып, композицияға ырғақтық икемділік береді.Жиегі итқұйрық және қосмүйіз өрнектерінің үйлесімінен құралған. Итқұйрық өрнегінің иілімді бейнесі орталық өрістің айналасында қорғаныш шекарасын түзе отырып, ою-өрнектің сақтау (тұмарлық) қызметін арттыра түседі».