Мес
Жеке коллекциядан
МесКөшпелі қазақ тұрмысында кеңінен қолданылған ыдыстардың бірі — мес. Ол тұтас ешкі терісінен жасалатын үлкен тері ыдыс болып, қымыз, шұбат, айран секілді сұйық тағамдарды сақтауға әрі тасымалдауға арналған. Мес жасау барысында ешкі терісі мұқият өңделіп, арнайы әдістермен иленген. Теріні тал қабығынан алынған табиғи бояумен бояп, кейін ыстау тәсілі арқылы өңдеген. Мұндай өңдеу меске ерекше беріктік беріп, оның ұзақ уақыт сақталуына мүмкіндік жасаған. Пішінінің қолайлылығы мен төзімділігі арқасында мес көшпелі өмірде жол жүруге өте ыңғайлы ыдыс саналған. Ол ат үстінде алып жүруге, ұзақ сапарларда пайдалануға бейімделген. Қазақтың ұлттық мәдениетінде мес тек тұрмыстық бұйым ғана емес, сонымен қатар молшылықтың, тоқшылықтың және бүтіндіктің символы ретінде қабылданған.