Біз туралы

Жарияланымдар

Білім базасы

Қазақстанның дәстүрлі және қазіргі заманғы өнері

Қазақстанның көркем мұрасына виртуалды саяхат

Бұл веб-галерея Қазақстанның бай көркемдік мұрасын және қазіргі өнердегі шығармашылық бағыттардың алуан түрлілігін таныстырады. Галереяда ұлттық дәстүрлерді жалғастыратын, сондай-ақ қазіргі заманғы өнер үдерістерін көрсететін туындылар ұсынылған.

Виртуалды көрмеге ұлттық бейнелерге, рәміздерге және мәдени сюжеттерге негізделген шығармалар енгізілген. Сонымен қатар мұнда Қазақстанның мәдени мұрасын заманауи көркемдік тәсілдер, жаңа бейнелеу құралдары мен технологиялар арқылы жаңаша түсіндіретін қазіргі суретшілердің еңбектері де қамтылған.

Ұсынылған шығармалар дәстүрлі өнер мен қазіргі өнердің өзара байланысын көрсетеді. Олар ұлттық дүниетанымды, мәдени бірегейлікті және халқымыздың рухани құндылықтарын тереңірек түсінуге мүмкіндік береді. Бұл материалдар арқылы тарихи-мәдени мұраның қазіргі көркемдік тәжірибеде қалай жалғасып, жаңа мазмұнмен дамып жатқанын көруге болады.

Веб-галерея Қазақстанның көркем мұрасын кеңінен насихаттауға бағытталған. Оның басты мақсаты — өнер туындыларын көпшілікке қолжетімді ету, сондай-ақ кең аудиторияның отандық мәдениет пен өнерге деген қызығушылығын арттыру.

Тақыр кілем, 1950

1950-жылдар. Ақтөбе облысы. Қазақстан Республикасы Мемлекеттік өнер музейі (Әбілхан Қастеев атындағы) коллекциясы.

Тақыр кілем, 1950

Бұл түксіз кілем үлгісі өзінің көркемдік шешімінің мәнерлілігімен — ашық түсті қарама-қайшылықтардың (контраст) батыл үйлесімімен және тігінен жүйеленген алуан түрлі геометриялық фигураларымен таңғалдырады. Ою-өрнектің нақты ырғақтық құрылымы қозғалыс әсерін бергенімен, сонымен бірге композицияның тұтастығы мен ішкі үйлесімділігін сезіндіреді.Орнаменталды алаң «алабас» («ала басты» немесе «шұбар шың») мотивін, дара және жұп ромбтарды, үшбұрыштарды, сондай-ақ әртүрлі ені бар жолақтарды біріктіреді. Композицияның тік бағытталуы кілемнің осьтік құрылымын айшықтай түседі.Семантикалық тұрғыдан «алабас» мотиві әлемдік осьтің немесе тіршілік өзегінің образы ретінде түсіндірілуі мүмкін. Ромбтар дәстүрлі түрде береке-молшылық пен жер бастауы идеясымен байланыстырылса, олардың жұп орналасуы дуалдылық (екіұдайлық) — ер мен әйел, жер мен аспан нышандарын күшейтеді. Ал жолақтар ырғақты белгілей отырып, орнаменттің кеңістіктік құрылымын қалыптастырады.