Біз туралы

Жарияланымдар

Білім базасы

Қазақстанның дәстүрлі және қазіргі заманғы өнері

Қазақстанның көркем мұрасына виртуалды саяхат

Бұл веб-галерея Қазақстанның бай көркемдік мұрасын және қазіргі өнердегі шығармашылық бағыттардың алуан түрлілігін таныстырады. Галереяда ұлттық дәстүрлерді жалғастыратын, сондай-ақ қазіргі заманғы өнер үдерістерін көрсететін туындылар ұсынылған.

Виртуалды көрмеге ұлттық бейнелерге, рәміздерге және мәдени сюжеттерге негізделген шығармалар енгізілген. Сонымен қатар мұнда Қазақстанның мәдени мұрасын заманауи көркемдік тәсілдер, жаңа бейнелеу құралдары мен технологиялар арқылы жаңаша түсіндіретін қазіргі суретшілердің еңбектері де қамтылған.

Ұсынылған шығармалар дәстүрлі өнер мен қазіргі өнердің өзара байланысын көрсетеді. Олар ұлттық дүниетанымды, мәдени бірегейлікті және халқымыздың рухани құндылықтарын тереңірек түсінуге мүмкіндік береді. Бұл материалдар арқылы тарихи-мәдени мұраның қазіргі көркемдік тәжірибеде қалай жалғасып, жаңа мазмұнмен дамып жатқанын көруге болады.

Веб-галерея Қазақстанның көркем мұрасын кеңінен насихаттауға бағытталған. Оның басты мақсаты — өнер туындыларын көпшілікке қолжетімді ету, сондай-ақ кең аудиторияның отандық мәдениет пен өнерге деген қызығушылығын арттыру.

Ортеке

Маржан Әбіш

Ортеке

Ортеке — тұтас ағаштан ойып жасалған таутеке мүсінінің мәнерлі пластикасын, домбыра музыкасының сезімге толы әуенін және қозғалмалы басы мен аяқтары бар қуыршақ-марионетканы басқару шеберлігін бір арнаға тоғыстырған ежелгі синтетикалық өнер. Таутеке мүсіні арнайы тұғырға бекітіліп, қармақ жібі немесе мықты жіп арқылы домбырашының саусағына жалғанады. Күйші домбырада ойнаған кезде, билеген қуыршақ музыканың ырғағымен қозғалып, әзіл-қалжыңға толы пьесаның ерекше көңіл-күйін қалыптастырады. Ортеке дәстүрлі өнері бүгінгі күнде де өз жалғасын табуда. Алматы қаласында жыл сайын халықаралық фестивальдер өткізіліп тұрады.