«Тарих» муралы. Астана қ., Есенберлин көшесі, 30
Муралдың авторы – Константин Змогов (Zmogk).
Бұл мурал көше өнеріне тән монументалдылықты камералық, яғни жеке адамның ішкі әлеміне бағытталған лирикалық сипатпен ұштастырады.Композицияның негізгі өзегі – отырған адамның бейнесі. Ол оқуға немесе жарық шашып тұрған белгісіз нысанды, яғни абстрактілі «білім көзін» тамашалауға терең берілген күйде бейнеленген. Кейіпкердің шоғырланған қалпы танымға ұмтылу мен рухани ізденіс идеясын айқындайды.Бейнелеу пластикасы түрлі түсті жазықтықтардың, сынған контурлардың және фрагменттелген пішіндердің өзара қиылысуына негізделген. Суретші образды конструктивті түрде құрастыру қағидатын басшылыққа алған. Осы ерекшелік шығарманы кубизм мен футуризм дәстүрлеріне жақындатқанымен, ол XXI ғасырдағы көше өнеріне тән заманауи «цифрлық» сипатта көрініс тапқан.Муралдың түстік шешімі де маңызды семантикалық жүк көтереді. Суық көгілдір және көк түсті акценттер ішкі тыныштық пен зейін қою сезімін тудырса, қызғылт, сары және қызғылт сары реңктер энергияны, серпінділік пен эмоционалдық шиеленісті білдіреді. Қараңғы жұлдызды фон мен жарыққа толы орталық бөліктің арасындағы контраст кенеттен туған шабыт пен рухани «ағаруды» әсерлі түрде күшейтеді.Осылайша мурал білімнің, шығармашылық ізденістің және адамның ішкі рухани әлемінің құндылығын дәріптейтін заманауи көркем туынды ретінде қабылданады. Оның көркемдік тілі көрерменді ойлануға, таным көкжиегін кеңейтуге және білімнің жарығын бағалауға үндейді.
Фото: ашық дереккөздерден