Біз туралы

Жарияланымдар

Білім базасы

Қазақстанның дәстүрлі және қазіргі заманғы өнері

Қазақстанның көркем мұрасына виртуалды саяхат

Бұл веб-галерея Қазақстанның бай көркемдік мұрасын және қазіргі өнердегі шығармашылық бағыттардың алуан түрлілігін таныстырады. Галереяда ұлттық дәстүрлерді жалғастыратын, сондай-ақ қазіргі заманғы өнер үдерістерін көрсететін туындылар ұсынылған.

Виртуалды көрмеге ұлттық бейнелерге, рәміздерге және мәдени сюжеттерге негізделген шығармалар енгізілген. Сонымен қатар мұнда Қазақстанның мәдени мұрасын заманауи көркемдік тәсілдер, жаңа бейнелеу құралдары мен технологиялар арқылы жаңаша түсіндіретін қазіргі суретшілердің еңбектері де қамтылған.

Ұсынылған шығармалар дәстүрлі өнер мен қазіргі өнердің өзара байланысын көрсетеді. Олар ұлттық дүниетанымды, мәдени бірегейлікті және халқымыздың рухани құндылықтарын тереңірек түсінуге мүмкіндік береді. Бұл материалдар арқылы тарихи-мәдени мұраның қазіргі көркемдік тәжірибеде қалай жалғасып, жаңа мазмұнмен дамып жатқанын көруге болады.

Веб-галерея Қазақстанның көркем мұрасын кеңінен насихаттауға бағытталған. Оның басты мақсаты — өнер туындыларын көпшілікке қолжетімді ету, сондай-ақ кең аудиторияның отандық мәдениет пен өнерге деген қызығушылығын арттыру.

Сандал-ошақ. XI–XII ғасырлар. Отырар

Ою, қалыптау әдісі. XI–XII ғғ. Отырар қалашығы.

Сандал-ошақ. XI–XII ғасырлар. Отырар

Ошақ-сандал — Отырар қалашығының ортағасырлық тұрғындарының тұрмыстық мәдениетіне тән бұйымдардың бірі. Ол тұрғын үйді жылыту және жылуды сақтау жүйесімен тығыз байланысты болған. Мұндай құрылғылар үй ішіндегі жылуды ұзақ сақтап, оны кеңістікке біркелкі тарату қызметін атқарған.Бұйым саздан жасалып, оның бетін безендіруде ойып өрнектеу және қалыппен бедерлеу тәсілдері қолданылған. Ошақтың сыртқы бетіне түсірілген өрнектер негізінен геометриялық сипатқа ие болып, ырғақты композициялық жүйе құрайды.Ошақ-сандалдың пішіні ықшамдылығымен және тұрмыстық қажеттілікке бейімделген функционалдық құрылымымен ерекшеленеді. Мұндай үлгідегі құрылымдар Орталық Азия мен оған көршілес өңірлердің дәстүрлі мәдениетінде кеңінен таралған.